31.1.07

الخانب

because it's so difficult to describe it in English and even harder to understand it for non Libyans I decided to write abut this thing happened to me the other day in Libyan.

كنت مروح من صلاة الظهر لقيت زحمة فى الشارع , مجموعة ملتمين على واحد و مجموعة اكبر تتفرج عليهم , وزى أى ليبي فإن أى مشكلة فى شارعنا لابد ما نحشي خشمى فيها ونعرف شنى صاير , وصلت لنص الزحمة لقيت اولاد شارعنا شادين واح عبيد الباين انه مش ليبى .
غير صلو على النبى يا جماعة الخير شني فيه
خانب , قال واحد بصوت عالى يلعلع
الشباب كان ناقصهم غير التكبير بعد ما سمعو كلمة خانب وبدو فى الخانب تعنفيق و كل واحد يشح فيه من جيهة , انحزت فى الاخير لكن صاحبنا الخانب مسكين معاش تعرف وجهه من قفاه, ركبوه فى سيارة وطارو بيه لمركز الشرطة , طبعا فى ليبيا الشعب فى خدمة الشرطة انت اللى تشد الخانب و انت اللى ترفعهوهم للمركز وناقص غير يقولولك احبسه فى حوشكم , المهم مش هادا موضوعنا , بعد محاورات مع الشباب عرفت شني المشكلة و عرفت صاحب المحل اللى خنب منه صاحبنا الخانب المسكين , لكن المشكلة هدا محل نظارات يعنى اكيد خنب منه فلوس , هدرزت على صاحب المحل نبى نعرف شنى صار , صاحبنا خنب نظارة . خلاص ضاقت عليه الدنيا معاش لقي شني يخنب غير نظارة لا وشنى نظارة طبية زيادة مش شمسية , انا على طول تذكرت المثل الليبى اللي يقول عمية وشدت خانب , لكن المرة هذى الباين حتى الخانب أعمى,انا قاعد حاير شنى كان يبي يديير بالنظارة اللى خنبها.
باهى توا نجو لحكاية التعنفيق , الصراحة انى مامديتش ايدى على الخانب لكن تقريبا اكثر من 10 شباب حصلو فيه على الاقل تعنفيقة وحدة , وهذا يوضح قداش الشعب الليبى متكافل و متعاون مع بعضه لكن فى التعنفيق بس وهدا علاش جى المثل متاع عمية وشدت خانب والباين اولاد الشارع كلهم عمى وماصدقو طاحو فى خانب .
انا مريت بمشكلة التعنفيق هذى مرة وحدة فى حياتى وانشاء الله معاش تتعاود, من سنتين فاتو كنت طالع من الساحة الخضراء بالسيارة وكان فيه واحد قاص على رجليه وما انتبهتلاش وماوقفتلاش و معجباش اللى صار وضرب السيارة برجله ولا بيده مش عارف وقعد يفتفت ويقلل فى ادبه , انى صخنت نزلتله من السيار وقلتله خيرك شنى فيه , زاد منن الدوة الفاضية شديته مع سوريته وخنقته و فى ثوانى جميع الاشكال المعفنة والمصيصة جت تجرى من جيهة باب الحرية ومن عمر المختار و رخيت صاحبنا و بدو يشحو فيا من كل جيهة وانى ضلمت عليا معاش فيه كيف نهرب , محدش بدى يضرب يشنتلو فيا بس و ما نبيش نقول كانو اكثر من خمسين نفر ملتمين عليا لان أخر حاجة كنت نفكر فيها هى انى نعدهم , الصراحة كنت نفكر فى سيارتى شنى بيصير فيها , وللعلم سيارة النجدة كانت واقفة مقابلنا ولكن لا حياة لمن تنادى , الكلام هذا كله كان اقل من دقيقة , وباش ما نعطلش وما نديرش روحى بطل وكيف طلعت من المشكلة هذى خلى نقوللكم الاعجوبة اللى صارت , من وسط الزحمة المصيصين بدو يوسعو معرفتش علاش لكن لما شبحت المخلوق اللى خاش للنص تمنيت حتى انى نوسعله معاهم , لما بدا يتكلم عرفته انه من البشر لان شكله ما يوحيش بأي ملامح انسان, شنى فيه قال والكل ردو بصوت واحد كان بيضرب سموعة, شبحلى من فوق لى لوطا والباين سخف عليا حط ايده على كتفى وعطانى عنفقة مش حننساها طول حياتى , قالى روح ومعاش نبى نشبح وجهك فى الجيهة هذى وطبعا مع اضافة بعض الكلمات اللى متنقالش .
انا مش فخور باللى صار لكن لولا هالعنفقة لكانو مسحو بيا الساحة مسح , والرجولة تحضر وتغيب فايللى تعنفق فالناس اليوم غدوة نهارك احرف.



the summary for the whole thing is that the other day a shop lifter got caught in my neighborhood and the weired funny thing was the thing he stole , it was a pair of glasses not sunglasses but a optical glasses ,I wonder what he wanted to do with them .

12 comments:

AngloLibyan said...

Libyano, I have not laughed this much for a long time, you actually managed to write the story in Libyan/Tripoli dialect, i read words that i probably have not seen or heard for many many years, I am sorry for your neck but it was funny :o)

MaySoon said...

LOL Libyano seriously that was hilarious, sorry for the 3nfga, but you learned your lesson and didn't 3anfeget the poor 7'aneb lol

DaMoon said...

3li goltik ya Libyano akter sha3ib muta3awen when it comes to tefsheekh...the entier nation roo7hum fe manakheerhum 3li golit khalti, edawro fe ras meno e3ashasho..I wonder why!

Libyano said...

Angalolibyan , you dont know how much I love the Libyan language ,you can have more then 20 words of the same meaning , and you know I was looking for the word khanib in the arabic dictionaries but I didnt find from where this word came , may be I'll ask my grandfather .

Maysoon I still alugh ntil now of how I got myself into and out of that situation and I am never gonna 3anfig anybody when he is alone .

Damoon , if you come one day to the hospital you will see how many people get stabbed latly , it became a habbit , stabs for stupid fights , every kid is holding a knife these days ,so a little advice from me never get yourself into troubles and when you do always run as fast as you can :P .

Lebeeya said...

Libyano, that was damn funny but next time someone wants to fashikh you just let me know!

Lebeeya to the rescue....... does anyone hear the batman music or is it just me??!

Happymoi said...

LOL that was funny..i didnt get what the word "t3nfeeq" mean but its all good...its more Libyan than i can myself comprehend...i had a good laugh!

Well...thats about it ..my qatari friend calling my cellllllll....gtg

Ema said...

ouch it must have hurted...

but you are so brave to tell us that u have been beaten like this...

you didn't tell us what happened to the first guy who was busted.

nice story and thanx for writing it in libyan slang. it would never been understood in another language. lol

Libyano said...

Lebeeya I was kind of waiting for superman batman , cat woman anyone to come but I was all alone , may be it wasn't your district or I know you would come .

Happymoi , 3anfga is the back of your neck , t3anfeeg means getting the back of your neck slapped by someone's hand .

Ema , It's better than telling how I beated somebody , because I had done that couple of times and in the end I feel like an animal , and you are right nothing better than the libyan words to describe it.

Happymoi said...

ok..a new word added ..enter >>*happymoi processes the word* and done!

I have never heard this word before...now i know what it means..im so behind in Libyan slang!!!

Well explained though!thanks

Ok 12 days to go for my 1st exam..in need of ur prayers!!im so sick of stuyding already! Inshallah khair!

Salam.

lovelytripoli said...

هي مشكلة الخانب الأفريقي أن مهما خنب فإن ولاد الشارع حايشدوه و حايضربوه لسبب ألا وهو إنه أفريقي ...ومش ليبي
وإحني نحبوا الجنسيات الثانية هلبة بكل فلهذا لازم نخلولهم تدكار أو ماتسنح الفرصة عنفقة ولا بالشالو " رأي المصاروة" المهم ذكري لاتنسي و لا يمحوها الزمن...شن بديرللهم قلوبهم دم و بيني و بينك كان مسلم حرام غيره حتي أني بالك بنكتب ورقة وبنعلقها علي راسه إحدروا خطر....


أما حرارة راسك الي سخنت من عامين فننصحك تاخد بنادول و تفتحت الاف ام الليبية توا وتسوق و شن يصير برا
سيارتك دير روحك أعمي و ماتشوفش

وحتي انته ياظالم ماعرفتش وين تخطم إلا من غادي مش تلقي صحابك الحلوين

اسمع في نماذج غادي يتحسسوا منا احني الناس الي نسكنوا خارط المناطق البيئة هديكا فلهدا توقع كل شيء منهم غادي حتي ولو كان معاك الحق....


وزي ولاد شارعكم يوقفوا مع بعض ضد الغريب.....
وصارلك زي خانب شارعكم

طبعا أعتدر للتشبيه بس انته اربطها في بعض فحاتلاقاها متساوية

Anonymous said...

Some people claim the word خنب comes from Hebrew...

http://www.alhandasa.net/forum/showthread.php?t=31319&page=1&pp=10

Anonymous said...

صاحب الجلالة هو الله أيتها الفاضلة