طرابلس المحاصرة

اربعة اشهر مرت منذ ان بدأت الثورة في ليبيا وكل ما خرج وهدد به القذافي منذ اول خطاب له قد قام بفعله، خرجت من ليبيا من طرابلس منذ بضعة ايام فقط وذلك ليس خوفا من الموت او الاعتقال بل خوفا علي اسرتي من التنكيل او انتهاك اعراضنا لان لم يعد هناك في ليبيا اي احد يستطيع ان يمنع ذلك في المناطق اللتي يسيطر عليها القذافي اخاف كل هذا لاني لم استطع كتم ثوراني علي هذا النظام البائس خرجت وبإذن الله عائد الي ليبيا من اي مكان استطيع لكي اقول كلمتي ولا اخاف .
الوضع في طرابلس الاسيرة اصبح روتين من اطلاق النار من قبل الكتائبالمنية المتواجدة في كل نهاية شارع تقريبا حتي اخر ساعتين قبل خروجي شهدت اعتقال احد الشباب ومصادرة سيارته من قبل الكتائب والغريب ان حوالي سبع سيارات قامت بعملية الاعتقال وكأنها تعتقل قائد عسكري وليس مجرد شاب خارج من محل مواد غذائية
الكتائب عاثت في العاصمة فسادا فقامو بمداهمة بيت احد الجيران وسرقة اجهزة التلفزيون وبعض الاغراض الاخري ، اصبحو يتمتعون بأوامر المداهمة لانها تصريح بالسرقة والنهب وهتك الاعراض كيف للانسان العيش هناك وهو لا يدري هل سيموت بطلقة طائشة من احد افراد الكتائب السكاري او ان يقتل في محطة بنزين لاعتراضه علي الفوضي التي يقوم بها افراد الكتائب المسيطرين علي محطات البنزين.
طوابير السيارات عند محطات البنزين تصل حتي عشرة كيلومترات في بعض المناطق اي خمس او ست ايام لتصل الي المحطة.

عند سماع صوت الطائرات الكل يخرج الي سطح المنازل والفرحة تعم عند سماع القصف واصوات التكبير ترتفع في القصف الليلي لطائرات الناتو مع التصفير واللزغاريد في بعض الاحياء

الكتابة علي الجدان كل يوم وفي كل مكان، الشباب يحاول عدم الكتابة علي البيوت كي لا يتضرر اصحابها لذا اصبحت المدارس والمقابر والاسواق كلوحات جدارية لجميع الشعارات الرافضة للنظام

علم الاستقلال يرفرف كل يوم في احدي مناطق طرابلس واكاد اجزم انه منذ شهرين لم يخلو يوم لم يرفع فيه العلم في مكان ما في طرابلس

[Posted with iBlogger from my iPhone]

The Media

No sane human begin can believe whatever Gadaffi and his son are trying to say through their hopeless bizarre speeches , Young people taking hallucination pills, Al Qaeda is after all this, things are normal and quite in tripoli, Gadaffi is still living in 1970's when people had no choice but to listen to what he says and can never see the other side of truth, the whole world can see what he is doing to the Libyans all over the internet social networks and on the media .

The first night

It's been one week exactly now since the uprising started in tripoli , last Sunday as I came back from my hospital ( Sbia hospital) 50 km south of tripoli things looked really different that night we all had the courage to say it loud on the streets of tripoli that we want change that we had enough that we hate Muamer Gadafi , it all started spontaneously all over tripoli for me I didn't know until I found myself in the middle of Fashloom area where we were stopped by gun fire and it wasn't too long until we saw the military cars with heavy antitank rifles coming at us, that night all of tripoli was out on the streets uprising against this dictator against 42 years of suppression and injustice , that night was the point that we will never go back from .

Rainbow

قوس قزح صورته امس في طريق الشط
المنظر كان مش عادي خصوصا انه قوس كامل

awareness test

الرئيس الامريكي القادم

يقول المثل الليبي
مبهاك يا مرت بوي الاولة .... تضربني وتعطيني ناكل

مش عارف ليش كل ما تجي الانتخابات الامريكية نبدو نراجو في الرئيس الجديد وكأنه بيطلع فيه خير, لكن ديما في الاخير نقولو يا ريت الرئيس اللي قبله قاعد

ياودي هالانتخبات الامريكية السنة هاذى مش عارف كيف فيها حاجة ما خشتليش دماغ تحس كأن ما كييين يستعبط ويبي يخسر المهم بيطلع فيه فيلم في الاخير زي كل مرة , وبالنسبة ليا اني زي ماكيين زي اوباما

قالك بحر

لان الجو صيف والدنيا بتولع فيها النار فمن الطبيعي ان الناس كلها تمشي للبحر يوم الجمعة واني زيني زي الناس ماشي بنقع روحي شوية في المية المالحة ونشوي سبولات وناكل دلاعة اني واصحابي , كان موعدنا بعد العصر وبما اننا شعب متاع مواعيد ما تلاقيناش لغاية الساعة 6 ونص ويلا علي تاجوراء كان واحد من الاصحاب سبقنا وحصل مكان كويس واول ما وصلنا واحنا واقفين جنب السيارات جي عيل صغير يبكي جنبنا , تلفتنا يمين ويسار لقينا الدنيا كلها لاهية في روحها

شني ياعمو خيرك

اهي اهي....... نبي ماما

باهي وين ماما

غادي

وين غادي

غادي

باهي تعالي , شفنا الناس اللي قريبين منا لكن مالقيناش امه, الولد قال احنا كنا في مصيف

باهي اما مصيف

مش عارف

قداش عمرك انت

ستة

شن اسمك

اسمي معاذ

ركبنا السيارة ومشينا لاقرب مصيف ومن مصييف لمصييف ومافيش حد عنده حد رايح وللاسف ما فيش غير كمشة حيوانات في كل مصيف تسأله يقولك برا خش دور بروحك

باهي مش هذا المصيف انت مسؤول عليه

ما لياش علاقة كل واحد مسؤول علي صغاره

ظلمت الدنيا ومازال ما لقينا حد مع الساعة 9 واحد قللنا فيه عيلة كانت تدور علي ولد رايح قبل شوية مشينا للمصيف اللي قاللنا عليه واخيرا لقينا عيلة معاذ واعطيناه لامه بعد ما اعطيناهم درس اي هزبناهم الواحد ما يعرفش يحافظ علي صغاره معاش يطلعهم معقولة ما تندروش بيه رايح الا بعد 3 ساعات وكان طلع غارق ولا ميت

ولينا لمكانا والنية طايرة من البحر والماكلة خلاص لمينا بضاعتنا ومشينا قعمزنا في حوش واحد من الاصحاب

خلاص كرهت البحر

وزحمة البحر

وفوضى البحر

والصياعة اللي في البحر

امتي بنولو ناس بس

Jwaji ( mood )

Yes I am still alive and I have no reason to leave my blog like this for this long time , I am as busy as everyone of you so the reason I guess is that I don't have the mood or what we call in Libya Jwaji to log into the blog world .

speaking of moods or jwaji as I prefer to call it, I want to say how much this word means to us as libyans , everything in here is driven by jwaji , why this street is closed for constructions today without any warning ? it's simple somebody's jwaji told him to close it and work here today , why the guy working in this office not here doing his job? ,well we are sorry he doesn't have jwaji to work today , in TMC ( tripoli medical center ) they closed the gate to the main parking area and now you have to take a whole big turn around Libya to get to the parking area and when I asked one of the security staff working there and insisted on knowing why he just laughed and said jwaji, everywhere you go you would find somebody working according to his jwaji so my advice to you next time you go to a place where you need to be served you ask the man or the lady behind the desk do you have jwaji today if yes then it's your lucky day if not then try again some other day when they have jwaji for you.

I hope I get my jwaji back for blogging

Anisto

Note: thank you for all who asked about me when i was away :)

صور من بلادي

يوم الاحد الماضي كان الجو من اروع ما يكون وكان احلي شي انه العيلة كلنا مشينا الي قماطة اللي اصلنا منها, الجو الهادي والناس الطيبة والماكلة الحلوة كلها غادي

يامحلاك يا بلادي

نسيت نحط صورةالفكرونة اللي لقيتها في قماطة سمينها سلحوبة وهي توا عايشة معانا في الحوش

معليشي يا انجلو صقع عليك الفكرونة القماطية

Without بدون

مش عارف شورني خديت علي الكسل والتنبلة كل ما تجيني فكرة تدوينة جديدة نقول خلاص تو نكتبها الليلة وما تجي الليلة لين يكون حيلي مهدود وعظامي مدقدقات وخاصة عظام صوابع ايدي الزوز لانه هاليومين شادها سهريات علي البلاي ستيشن نلعب كورة انا وصحابي والصراحة لقيت البلاي ستيشن خير من العلاج الطبيعي لصبعي

توا خلي نقولو كلمتين جد, وانا في السوبر ماركت صادفت شي غريب عليا يضحك ويبكي يعني خلاص ضاقت معاش لقو شني يجيبو , الباين يمهدو للجاي اللي بدون بدون