8.11.08

Rainbow

قوس قزح صورته امس في طريق الشط
المنظر كان مش عادي خصوصا انه قوس كامل






1.11.08

الرئيس الامريكي القادم

يقول المثل الليبي
مبهاك يا مرت بوي الاولة .... تضربني وتعطيني ناكل




مش عارف ليش كل ما تجي الانتخابات الامريكية نبدو نراجو في الرئيس الجديد وكأنه بيطلع فيه خير, لكن ديما في الاخير نقولو يا ريت الرئيس اللي قبله قاعد

ياودي هالانتخبات الامريكية السنة هاذى مش عارف كيف فيها حاجة ما خشتليش دماغ تحس كأن ما كييين يستعبط ويبي يخسر المهم بيطلع فيه فيلم في الاخير زي كل مرة , وبالنسبة ليا اني زي ماكيين زي اوباما

19.7.08

قالك بحر

لان الجو صيف والدنيا بتولع فيها النار فمن الطبيعي ان الناس كلها تمشي للبحر يوم الجمعة واني زيني زي الناس ماشي بنقع روحي شوية في المية المالحة ونشوي سبولات وناكل دلاعة اني واصحابي , كان موعدنا بعد العصر وبما اننا شعب متاع مواعيد ما تلاقيناش لغاية الساعة 6 ونص ويلا علي تاجوراء كان واحد من الاصحاب سبقنا وحصل مكان كويس واول ما وصلنا واحنا واقفين جنب السيارات جي عيل صغير يبكي جنبنا , تلفتنا يمين ويسار لقينا الدنيا كلها لاهية في روحها

شني ياعمو خيرك

اهي اهي....... نبي ماما

باهي وين ماما

غادي

وين غادي

غادي

باهي تعالي , شفنا الناس اللي قريبين منا لكن مالقيناش امه, الولد قال احنا كنا في مصيف

باهي اما مصيف

مش عارف

قداش عمرك انت

ستة

شن اسمك

اسمي معاذ

ركبنا السيارة ومشينا لاقرب مصيف ومن مصييف لمصييف ومافيش حد عنده حد رايح وللاسف ما فيش غير كمشة حيوانات في كل مصيف تسأله يقولك برا خش دور بروحك

باهي مش هذا المصيف انت مسؤول عليه

ما لياش علاقة كل واحد مسؤول علي صغاره

ظلمت الدنيا ومازال ما لقينا حد مع الساعة 9 واحد قللنا فيه عيلة كانت تدور علي ولد رايح قبل شوية مشينا للمصيف اللي قاللنا عليه واخيرا لقينا عيلة معاذ واعطيناه لامه بعد ما اعطيناهم درس اي هزبناهم الواحد ما يعرفش يحافظ علي صغاره معاش يطلعهم معقولة ما تندروش بيه رايح الا بعد 3 ساعات وكان طلع غارق ولا ميت

ولينا لمكانا والنية طايرة من البحر والماكلة خلاص لمينا بضاعتنا ومشينا قعمزنا في حوش واحد من الاصحاب

خلاص كرهت البحر

وزحمة البحر

وفوضى البحر

والصياعة اللي في البحر

امتي بنولو ناس بس

14.7.08

Jwaji ( mood )

01113_different_480x272

Yes I am still alive and I have no reason to leave my blog like this for this long time , I am as busy as everyone of you so the reason I guess is that I don't have the mood or what we call in Libya Jwaji to log into the blog world .

speaking of moods or jwaji as I prefer to call it, I want to say how much this word means to us as libyans , everything in here is driven by jwaji , why this street is closed for constructions today without any warning ? it's simple somebody's jwaji told him to close it and work here today , why the guy working in this office not here doing his job? ,well we are sorry he doesn't have jwaji to work today , in TMC ( tripoli medical center ) they closed the gate to the main parking area and now you have to take a whole big turn around Libya to get to the parking area and when I asked one of the security staff working there and insisted on knowing why he just laughed and said jwaji, everywhere you go you would find somebody working according to his jwaji so my advice to you next time you go to a place where you need to be served you ask the man or the lady behind the desk do you have jwaji today if yes then it's your lucky day if not then try again some other day when they have jwaji for you.

I hope I get my jwaji back for blogging

Anisto


Note: thank you for all who asked about me when i was away :)

6.3.08

صور من بلادي

يوم الاحد الماضي كان الجو من اروع ما يكون وكان احلي شي انه العيلة كلنا مشينا الي قماطة اللي اصلنا منها, الجو الهادي والناس الطيبة والماكلة الحلوة كلها غادي

يامحلاك يا بلادي

Photo-0003 Photo-0004

Photo-0002

Photo-0011


Photo-0019

نسيت نحط صورةالفكرونة اللي لقيتها في قماطة سمينها سلحوبة وهي توا عايشة معانا في الحوش

معليشي يا انجلو صقع عليك الفكرونة القماطية





16.2.08

Without بدون

مش عارف شورني خديت علي الكسل والتنبلة كل ما تجيني فكرة تدوينة جديدة نقول خلاص تو نكتبها الليلة وما تجي الليلة لين يكون حيلي مهدود وعظامي مدقدقات وخاصة عظام صوابع ايدي الزوز لانه هاليومين شادها سهريات علي البلاي ستيشن نلعب كورة انا وصحابي والصراحة لقيت البلاي ستيشن خير من العلاج الطبيعي لصبعي


توا خلي نقولو كلمتين جد, وانا في السوبر ماركت صادفت شي غريب عليا يضحك ويبكي يعني خلاص ضاقت معاش لقو شني يجيبو , الباين يمهدو للجاي اللي بدون بدون






17.1.08

تاسوعاء و كتاب تفسير العشر الاخير

السلام عليكم
انشاء الله ربنا يتقبل صيامكم اليوم هو تاسوعاءوغدا عاشوراء فمن لم يصم اليوم فليتذكر غدا انشاء الله , وقد وصي الرسول صلي الله عليه وسلم بصيام تاسوعاء فعن عبد الله بن عباس ـ رضي الله عنهما ـ قال: حين صام رسول الله صلى الله عليه وسلم يوم عاشوراء وأمر بصيامه قالوا : ثم يا رسول الله إنه يوم تعظمه اليهود والنصارى!! فقال رسول الله صلى الله عليه وسلم : (فإذا كان العام المقبل ـ إن شاء الله ـ صمنا اليوم التاسع) .
قال : فلم يأت العام المقبل حتى توفي رسول الله صلى الله عليه وسلم. رواه مسلم


واحببت بهذه المناسبة ان أهدي لكم هذا الكتاب القيم اللذي حط بين يدي منذ وقت ليس ببعيد , كتاب تفسير العشر الاخير من القرآن الكريم وهو يحتوي علي

أولاً : آيات وأحاديث عن فضل القرآن الكريم وتلاوته وتدبره .

ثانيا : الأجزاء الثلاثة الأخيرة من القرآن الكريم التي يركز غالبية المسلمين عليها قراءة وحفظاً .

ثالثا : تفسير هذه الأجزاء لأنه لا تتم الفائدة إلا بمعرفة المعنى الموصل لتدبرها و العمل بها .

رابعا : بعض أحكام التجويد المهمة لتحسين التلاوة .

خامسا : توضيح عقيدة المسلم بطريقتين :

الأولى: طريقة السؤال والجواب ، بالإجابة المختصرة الواضحة لستين سؤالا في أهمّ المسائل العقدية .

الثانية: طريقة الحوار وسرد القصص الهادفة من خلال موضوع : ( حوار هادئ ) .

سادس : أركان الإسلام ابتداء بالشهادتين ، ثم أحكام الطهارة و الصلاة ، ثم الزكاة و الصيام و الحج .

سابعا : نظراً للتنبيه في أسئلة العقيدة عن تحريم الذهاب للسحرة والمشعوذين ، ولإتمام الفائدة ذكرنا البديل الشرعي لذلك وهي الرقية الشرعية ليلجأ المسلم إلى الله في كل أحواله ، ثم ذكرنا صفات الساحر والمشعوذ للتفريق بينه وبين الرجل الصالح لأن أكثرهم يتنكر بزي الصلاح .

ثامناً : ونظراً للتنبيه في مسائل العقيدة على تحريم سؤال ودعاء أصحاب القبور والأولياء من دون الله ، ذكرنا البديل الصحيح لذلك وهو الدعاء المشروع الوارد عن رسول الله صلى الله عليه وسلم ، مع ذكر أسباب وموانع الإجابة وأمثلة من الدعاء المأثور ، ثم تكلمنا عن ذكر الله وفوائده وفضائله ، مع بعض الإذكار الواردة .

تاسعاً : تلخيص أكثر من سبعين باباً في فضائل الأعمال من كتاب رياض الصالحين على شكل جدول مختصر نذكر فيه العمل الفاضل مع حديث صحيح في فضله ، بالاضافة إلى تلخيص أكثر من ستين باباً في الأعمال المنهي عنها مع الدليل .

عاشراً : وختمنا هذه المجموعة بصفة مصورة عن كيفية الوضوء وكيفية أداء الصلاة وبعض الأخطاء في ذلك .



تستطيع تحميل اي محتوي من الكتاب من هنا

15.1.08

لييم

سلام

الجو هاليومين مش ولا بد مرة صقع ومرة مطر , مرة شمس ومرة سحاب الزكمة كاثرة والناس نصها تكحكح لكن الحمد لله انا مريح روحي وديما متغلف باهي شمس ولا سحاب صقع ولا نو هكي الواحد يستريح من هم الزكمة والخشم المغلوق

يوم الجمعة كان الجو معقول فقررت انا وصاحبي نمشو لمزرعتهم ونلقطولنا شوية لييم ( برتقال)


ماشاء الله المزرعة كانت معبية اشكال وانواع

leem1

leem

درت علي الشجرات كلهم تقريبا ذقت منهم لين بطني انتفخت وعبيت شوية لويمات للحوش

leem3

leem4

بعدين جت طويسة شاهي عدلت الدماغ مع الجو الهادي والهوا النظيف

shahi

لما جيت نحط الشكاير في السيارة انخلعت شني بندير بالليم هذا كله, زي ما قالت امي الباين شيرتي مذهوبة

shkayr

أنستو

1.1.08

It's a new year

Honestly I don't feel any change but I hope it will bring the best for all the world inshallah

I have no plans for the new year except to work for the same goals I have in my head which I still didn't achieve.


CIMG8687

I am still going to physiotherapy sessions and I feel a little improvement in my finger alhamdulilah , I also bough exercising ball ( I named it Balla ), I keep it with me all the time and use it everywhere ,even the consultant of the unit I work at now caught me playing with it during the round ,I don't knwo I can't stop playing with Balla I love the sensation of squeezing it's very relaxing, sometimes even while driving I find it in my hand without knowing and squeezing it , I am addicted to it .


CIMG8670

This is lucky the laziest cat in the world , I am not used to having cats wandering around because my dad never liked having any kind of animals at home his excuse was I already have too many , I was at my friend's house that day and I slept there and while dreaming I started to feel something walking on me I thought it was with the dream till I opened my eyes and screaming like a girl i found lucky was standing on my chest , I wonder how cat owners live their lives having somebody always walking around the house I think people with cats or pets get robbed more than people who don't have any pets , it makes sense that the slightest abnormal sound will wake me up in the middle of the night but if I had a cat I will think oh it's just the cat.

now time to go back to my miserable life routine

Anisto