30.3.06

شباب × شباب

اه يا حنش شنو الجو

ماشية عالحاشية يا ميقو

خير يا راس شنى فيه

مافى شى , غير امس طحت فى واحد شعبوط مداير رغوة , خرط عليه شوية , ولحس ضهره

هكى بس , انى زرصت نحسابه فيه رغوة كبيرة

لا ياميقو , خوك يعجبك ولا تحسابنى سمروس

لا لا , عارفك تهنى يا راس

المهم شنى مشينا تصرصرنا على صلاح اللوحة

لالا فكنا منه , هذا خنايسى وتو يوزعنا

باهى وين بتمشى

هيا نمشو لفتحى خزز

بعد ربع ساعة


خزز , يا خزز

ايوه , اه هو انتو شنى جابكم يا روس , امالا فيه تقعميزة الليلة
اهو كساد قولنا نجو نفشو عندك

والله ما فيها كيف الليلة

تى فكنا من جو القطاطيس يا خزز , حنى ما بيناش نمشو لللوحة لانه عافينه بيوزعنا


لا يولاد مس توزيعة لكن الشيبو قاعد معكس فى الصالون

باهى شنى مسينا للقهوة

اوكى دقيقة خلى نفتلك روحى ونجى

ما تعطلش يا راس

تى وينه الجيفة ساعة ليه , شنى يمكيج فى روحه

اه يا ولاد سامحونى , دوش عالسريع وجيت


بعد ربع ساعة

حسن وحدة تفاح ومنوصيكش
من عينيا

بعد خمس ساعات

حسن قداش حسابنا


وتقولى خيرك متعفلق
ماهو من الهم اللى نشوف فيه كل يوم
شباب وقته ضايع فى الهوا




No comments: